lou5mou5老母 (old mother)。年老母親。香港警察六月十二晚在金鐘正義路驅散反送中示威者，商台片段顯示，商台記者採訪時多次表明身份，仍遭警員揮棍多次推撞，其中一名警員甚至喝道：「記你老母！」令大眾嘩然。粵語有粗言「屌你老母」，但老母本身並非穢語。「老母」一詞中原經典用了幾千年，諸多偉人，例如管仲、曹操、李白、朱熹都成日講「老母」，歷朝經典如《戰國策》、《史記》、《列女傳》、《西遊記》、《紅樓夢》都用不少。另一方面，雖然「老母」本身並非粗口，但觀乎上文下理，當時環境，「記你老母！」顯然有侮辱及恐嚇成份。
先秦例子：《史記•管晏列傳》吾嘗三戰三走，鮑叔不以我怯，知我有老母也。〔管仲表示：「我曾三次臨陣退縮，我老友鮑叔都不會話我係無膽匪類，皆認其知我有老母要養。」
唐詩例子：李白〈豫章行〉老母與子別，呼天野草間。
宋例：《朱子語類•尹彥明》：曰：「老母臨終時，令每日看此經一部，今不敢違老母之命。」
明朝小說：《封神演義》但我主公以衰末殘年，久羈羑里，情實可矜，況有倚閭老母，幼子孤臣，無不日夜懸思，希圖再睹，此亦仁人君子所共憐念者也。
清朝粵語小說：邵彬儒（一八七零）《俗話傾談.橫紋柴》大成本來知得珊瑚賢孝，無奈老母不合意，遂寫分書一紙，吩咐珊瑚曰：我聞娶妻所以事母，今致老母時時激惱，要妻何用。
早期粵文聖經：聖書公會（一九零七）《新舊約全書. 馬太福音第十四章》適值希律生日，希羅底嘅女在眾人之前跳舞，令希律歡喜，希律就發起誓嚟，應承佢求乜嘢都賜過佢，佢聽老母嘅囑咐，就話𢬿施洗禮約翰嘅頭，載落盤上。
Pic credit: Commercial Radio Hong Kong
Comments